- Цыргъобауы куывд
-
– Уæ Хуыцау, Дæ кувæн бонтæ стыÆмæ, рæсугъддæрæй кæуыл æрцыдысты,Мах дæр уый æмбал фæкæн.– Оммен, Хуыцау!– Уæдæ, рухс Цыргъобауы дзуар, табу дæхицæн уæд!– Оммен, Хуыцау!– Дæ бынты цы фæсивæд, цы адæмтæ цæуы, уыдон фæндарастгæнæг у!– Оммен, Хуыцау!– Уæ рухс Цыргъобауы дзуар,Дæ бынмæ цы куывддон адæм æрбацыд,Уыдонæн се ртыгай чъиритæ адджынæн айс!– Оммен, Хуыцау!– Уæ рухс Цыргъобауы дзуар,Кæд дзы исчи истæмæй фæрæдыд, уæд ын ныххатыр кæн!– Оммен, Хуыцау!– Кувæг адæм, уæ бæлццæттæ, уæ рынчынтæ Цыргъобауы дзуары уазæг уæнт!– Оммен, Хуыцау!– Hæ быны цы хортæ байтыдтат,Уыдон уын Фæззæджы куывдты æмæ чындзæхсæвты хæринæгтæн бахъæуæнт!– Оммен, Хуыцау!– Иннæ аз уыл ацы бæрæгбон рæсугъддæрæй, амондджындæрæй куыд æрцæуа,Цыргъобауы дзуар уын уыцы хорзæх ракæнæд!– Оммен, Хуыцау!– Уастырджи, Хуыцауы фыццаг минæвар дæАмæ ацы адæмæн Хуыцауæй хорздзинæдтæ ракур!– Оммен, Хуыцау!– Хъæубæсты зæд, ацы хъæубæстæ уыдысты фæрнджын хъæубæстæÆмæ сæ дæ хорзæх уæд!– Оммен, Хуыцау!– Нæ хохы дзуæрттæ, нæ быдыры кувæндæттæ, табу уæхицæн!– Оммен, Хуыцау!– Уацилла, фыдбылыз сафæг дæ, æмæ фыдбылызæй хызт ут, амондæй – тыхджын!– Оммен, Хуыцау!– Мæздæджы Мады Майрæм уын мад-фыды хæрзтæ ракæнæд,Рахизырдæм уыл дзуар бафтауæд.– Оммен, Хуыцау!– Æрджынарæджы Тæтæртупп знаджы ссæуæнты бады,Æмæ знагæй хызт куыд уат, уыцы хорзæх уын ракæнæд!– Оммен, Хуыцау!– Дзылаты дзуар, уæдæ нæм сылгоймаг фæсивæд дæр бирæ исÆмæ дæу хуызæн нывджын, амондджын куыд уой, уыцы арфæ ракæн.– Оммен, Хуыцау!– Уæ бæрзонд Реком, Мыкалгабыртæ,Адæм хор-фосæй æфсæст куыд уойÆмæ сæ куывдты, чындзæхсæвты куыд бахъæуой,Уыцы хорзæх ракæнут!– Оммен, Хуыцау!– Уæ Хъилы Уастырджи, Æрхы Уастырджи, Амаддзаджы дзуар, табу уæхицæн!– Оммен, Хуыцау!– Уæ Хетæджы Уастырджи, ды дæхæдæг зын раны куы уыдтæ,Уæд дын Хуыцау цы ахъаз бакодта,Уыцы ахъаз бакæн ды дæр ацы адæмæн!– Оммен, Хуыцау!– Рухс Цыргъобауы дзуар, табу дын уæд,Куывддон адæмæн хорз арфæтæ ракæн!– Оммен, Хуыцау!– Оммен цы кæстæртæ кодтой, уыдоны цæрæнбон бирæ уæд!– Оммен, Хуыцау!кæс ИРОН ÆГЪДÆУТТÆ
Словарь по этнографии и мифологии осетин. 2014.
